Mánudagur

..en ekkert endilega til mæðu sko..

Bensi er kominn aftur úr fæðingarorlofi, fyrsta hlutanum þannig að þá ætti að vera aðeins skaplegra álag hérna á svæðinu. Ég ákvað að halda smá teiti um helgina og bauð gömlu bekkjarfélögunum úr verkfræðinni á Laugaveginn. Það tókst alveg glimrandi vel og voru menn á því að þetta yrði að verða reglulegur viðburður, enda komin 4 ár síðan þessi hópur kom saman síðast.

Jæja, best að skella sér í gúffið..

Hva getur maur gert

Hvað getur maður gert þegar maður er óstjórnlega þreyttur í vinnunni og er kominn í brjálað letikast fyrir vikið?

Demit!

..ég er bara ekki að nenna neinu!

Svo er til hópur í þýskalandi sem er að berjast fyrir jólasveinalausum jólum, þ.e.a.s. þeir vilja upphefja Sankti Nikulaus í stað þessa ameríska kókakóla-Santa. Og svo hefur helmingur mannkyns aldrei notað síma. Og konur geta lesið minna letur en karlar. Og loksins er kominn alvöru orkudrykkur á Íslandi, Cult.

Pubbinn í Þingholtunum..

Ég var svo ljónheppinn að vera boðið út að borða á Holtið á laugardaginn! Það gerist nú ekki á hverjum degi og það er nokkuð ljóst að ég er alltaf að verða sáttari og sáttari við þetta blessaða fyrirtæki sem ég vinn hjá..

Ekki nóg með það að allt væri í boði heldur mátti maður að sjálfsögðu velja hvað sem hugurinn girntist og á svona stað girnist hann ansi margt get ég sagt ykkur. Eftir að við vorum búin að kýla vömbina á þessum eðalpöbb þá var stefnan tekin á Vínbarinn en þegar þangað var komið þá þótti öllum röðin vera heldur ófrýnileg þannig að plan B hrökk snögglega í gagnið.

Leiðin lá semsagt til eins verkfræðingsins sem býr í miðbænum og státar af því að eiga vínkjallara sem er líklega metinn á um 5milljónir! Öss! Ég held að okkur hafi nú tekist að höggva smá skarð í hann en varla svo einhverju nemi, þrátt fyrir heiðarlega tilraun!

Fín helgi, ekki hægt að segja annað..

Ótrúlega ófrumlegt... eða hvað?!

Ég tók mig til í gær og tengdi lappann minn við skjávarpann í fundarherberginu hérna uppí virkjun. Myndin sem varð fyrir valinu var T3 eða Terminator 3 með Arnaldi í aðalhlutverki. Þetta er svosem ekki í frásögur færandi nema að ég var alveg viss um að ég væri búinn að sjá myndina. Svo þegar hún byrjar þá kannast ég hreinlega ekkert við eitt né neitt þannig að ég sá fram á að geta skemmt mér alveg ágætlega yfir þessum óséða hasar.

Svo líður á myndina og eins og gengur og gerist þá er að sjálfsögðu svipað þema í þessari mynd og í öllum hinum, vélmenni ferðast aftur í tímann til að drepa Connor, annað eltir til að vernda og þar fram eftir götunum. Ekkert frumlegt en formúla sem hefur virkað hingað til.

Þannig að ég er ekkert að kippa mér upp við það þó svo að Arnold sé á mótórhjóli á meðan hitt vélmennið er á risatrukki, slíkt hefur gerst áður og engin synd í að endurtaka það. Svo fara að koma atriði sem mér finnst minna óþægilega mikið á atriði úr fyrri myndum, sömu setningar, mjög svipaðar staðsetningar, eins farartæki (fékk nánast gubbuna þegar ég sá kranabíla-atriðið! komon!) og ég hugsa með mér að þetta sé líklega ein sú allra lélegasta og mest cheap mynd sem ég hafi nokkurntíman séð um ævina! Gátu mennirnir ekki einusinni reynt að breyta handritinu frá fyrri myndum það mikið að maður fengi í það minnsta ekki hreint og beint dejavu við að horfa á þriðju myndina?!

Eftir að hafa horft á hálfa myndina, yfir mig hneykslaður og alveg að gefast upp á þessari hörmung fara að lifna við minningar úr bíósal í stórborg óttans, þar sem Halli litli situr með popp og kók og er að horfa á þessa sömu mynd rétt eftir að hún var frumsýnd!

Ég held að ég hafi aldrei lent í þessu áður að muna hreinlega ekki nema einstaka brot og brot úr bíómynd sem ég hef séð og hafa ekki einusinni hugmynd um það hvernig hún endar!

Ellimörk? Varla, þetta er svo langt síðan sjáðu til Biggi! Og ég er ekki búinn að gleyma einni einustu mynd fyrir eða eftir þetta atvik!

...svo ég muni til...

Afhverju?

Afhverju þarf ég að vinna fyrir mér?

Afhverju þarf ég að vinna tvöfalt þessa dagana?

Afhverju fæ ég sáran sting í hjartað í hvert sinn sem ég hugsa um ákveðna fyrrverandi kærustu (farið að gerast skuggalega oft þessa dagana.. ekki gott!)?

Afhverju þarf ég að vera í jakkafötum á föstudögum?

Afhverju er ég ekki með ofurkrafta?

Afhverju get ég ekki klárað prótótýpuna?

Afhverju er ég búinn að vera kvefaður í 2 vikur?

Afhverju? Afhverju? ...skil iggi...

mánudagur til mæðu!

Alveg ferlegt þegar menn sem maður vinnur mikið með og skiptir með verkum tekur allt í einu uppá því að fara bara að eignast barn! Hað gerist þá? Jú, allt sem hann sinnti lendir á mér og ég fæ örugglega magasár eða verð svo skapstyggur að ég hætti að geta unnið nokkurn skapaðan hlut ef fer sem horfir!

Það er t.d. vika síðan félaginn átti litla krílið og það er eins og að það sé ekki enn runnið upp fyrir verkstjórunum hérna að ég er bara einn og get ekki tekið að mér 3-4 stk af 8 tíma verkefnum á dag, til þess þarf sko 3-4 daga!! grrrrr!! En þetta gengur örugglega allt upp á endanum, enda mikill jafnaðargeðsmaður.. vona bara að það dugi til!

Annars ætla ég nú ekki að vera að kvarta yfir vinnunni sem ég er í, er alveg að fíla þetta, nema kannski akkúrat álagið þessa stundina, en það er fínt að sjá fram á að þetta verði ekki nema í 2 vikur í viðbót.. geðveikin það er að segja!

Vona bara að mig dreymi ekki alla verkstjórana í nótt... úff, það hefur nú aldeilis komið fyrir að mig hafi dreymt vinnunna á álagstímum! Það er kannski ekki svo slæmt í sjálfum sér nema að þegar álagið er mikið og mann dreymir vinnuna þá eru það yfirleitt ekki góðir draumar þannig að maður hvílist sama og ekkert.

Vona þess vegna bara að mig dreymi eitthvað notalegt.. eins og ... tjah.. ;)

Pest, þ.e.a.s. Búda

Ég er að vinna hjá enn einu fyrirtækinu sem virðist vera í því að bjóða starfmönnum sínum til útlanda við sérstök tækifæri. Ég get nú ekki kvartað yfir því og núna um daginn þá var okkur öllum boðið til Búdapest og ætlunin var að halda árshátíð fyrirtækisins þar.

Eins og sönnum íslendingum sæmir þá var að sjálfsögðu mætt vel fyrir brottför útá Leifsstöð til að geta svooolgrað í sig nokkrum ísköldum og rætt síðan málin í setustofunni. Þegar við komum uppí vélina voru menn vægast sagt í misgóðu ásigkomulagi og til stóð að 2 menn ættu ekki að fá að fara með vélinni sökum þess hversu vel kenndir þeir voru.. Annar, sem var þá búinn að sitja við hliðiná eiganda fyrirtækisins og röfla í honum á milli Jagermæstersopa hlýddi nánast umorðalaust þegar hann var beðinn um að leggjast aftast í vélina og fara að sofa en hinn kúmpáninn var ekki alveg á þeim buxunum en ákvað samt að það væri meira virði að fara til Búdapest heldur en að hafa farið á skammvinnsta fyllerí æfi sinnar á Leifsstöð.
En þar með er ekki sagt að hann hafi verið búinn að ljúka sér af hahaha, langt í frá, hann byrjaði að sjálfsögðu að böggast í fólki þegar vélin var komin í loftið.. setningar eins og

“stelpur, má ég ekki vera á undan ykkur á klósettið afþví að ég er með svo stórt typpi?!”

fengu að fjúka við fínustu frúr fyrirtækisins, makar toppanna! Og svo þegar hann loks komst á klósettið í eitt skiptið þá fékk hann að sjálfsögðu þá stórnsjöllu hugmynd að nú væri aldeilis tilvalið að kveikja sér í rettu, enda “enginn” að fylgjast með eða þannig.. reykskynjari? Hvað er það?! Hahaha það varð allt vitlaust!
Og svo voru nokkur ungmenni með dólgslæti á þeim skalanaum að til stóð að láta lögregluna taka á móti þeim við lendingu! Semsagt alveg dæmigerð flugferð með grófum iðnaðar og verkamönnum hahaha! En mjög skemmtileg engu að síður..

Um kvöldið fórum við nokkur saman á Argentínu steikhús þeirra Pestverja og það var alveg fáránlega góður matur á boðstólnum á þeim bænum.. Allir fengu sér mörg hundruð gramma stórsteik, rauðvín og öl eins og menn gátu í sig látið og allt kostaði þetta innan við 18þ fyrir 6 manns... úff.. og svo var að sjálfsögðu skrallað eftir bestu getu á bar sem var í undirgöngum við hótelið, alveg steikt..

Daginn eftir fórum við nokkrir að fá okkur að borða eftir verlsunar og skoðunatúr dagsins og menn eru að sjálfsögðu spurðir fregna af kvöldinu áður.. þá kemur uppúr kafinu að tveir þessara herramanna höfðu ákveðið að skella sér á pútna hús bæjarins og heldur betur komist í krappan dans þar. Þeir völdu það ekki betur en svo að þegar þeir voru búnir að panta dömurnar og bjóða í kampavín og öllu sem því fylgir þá kemur að því að borga til að komast út af húsinu (reyndar áttu gellurnar að fara síðan með þeim uppá hótel) þá var gripið í tómt veskið enda reikningurinn uppá 150þúsund krónur! Þeir náðu þó að redda þessu fyrir horn með því að senda annan útí hraðbanka og hann átti sem betur fer nægilega feita innistæðu til að greiða þennan reikning!
Það sem var eiginlega hvað kómískast við þetta er að aðrir tveir sem sátu við matarborðið höfðu farið inná annað hóruhús þetta sama kvöld, spurt um verðið og þeim fannst 4000kr alveg svívirðilega dýrt og snéru við á punktinum og strunsuðu út.. hahaha

Eftir þetta var síðan farið í bátssiglingu upp og niður Dóná sem var mjög gaman og hefði eflaust mátt flokka sem rómantíska siglingu ef maður hefði haft einhvern til að rómantískast með.. Það voru þjóðleg skemmtiatriði og þetta fína hlaðborð.

Á laugardeginum var síðan sjálf árshátíðin og við tókum okkur þrír saman, keyptum alveg eins jakkaföt úr ljósbeige “gardínuefni” fyrir 4000kr haha.. vöktum ómælda athygli bæði fyrir litinn og að við skyldum vera allir í eins fötum, soldið spes að það standi hópur af mönnum í svörtum jakkafötum fyrir framan mann sem hlær af því að við erum allir “eins” hahaha

Reykingadólgurinn var á þessari stundu búinn að vera vel í glasi alveg frá því að við lentum og það dró ekkert af honum þegar hann var laminn í hausinn og rændur fyrsta kvöldið. Á árshátíðarkvöldinu vorum við þremenningarnir að sækja þriðja manninn þegar dólgurinn hringir uppá herbergið til hans. Herbergisfélaginn svarar og fer aðeins að spjalla.

“jájá, bara að hafa okkur til sko.. hmm, ha? hvað á að gera í kvöld?! Hvað meinaru?!”

Þá hafði dólgurinn semsagt ekki grænan grun um að það væri yfir höfðu árshátið í ferðinni!! HAHA

Hann kom ekki með hópnum heldur mætti vel seint á hátíðina og þar sem allir voru löngu sestir til borðs þá kom hann alveg eins og róni innaf götunni og þjónarnir ætluðu að fara að henda honum út! Hann náði þó að sannfæra þá um að hann væri hluti af hópnum og var að lokum vísað til sætis.

Kvöldið var mjög fjörugt og mikið af góðum skemmtiatriðum og svo vildi svo skemmtilega að til að það var kalkúnn í matinn sem dólgurinn neitaði að sjálfsögðu að innbyrða sökum fuglaflensunnar og var með uppsteyt og framíköll á meðan maturinn var borinn fram. Hann fékk samt sérrétt á endanum.

Eftir þessi herlegheit fórum við þremennigarnir ásamt fríðu föruneyti á aðal skemmtistaðaeyjuna í borginni og ætluðum að heiðra risastóran teknóstað með nærveru okkar. Því miður þá var ennþá hálftími í að sá mæti staður opnaði þegar við komum þannig að við neyddumst til að líta inná staðinn við hliðiná til að drepa tímann. Það vildi ekki betur til en svo að það var riiiiiiisastór teknó-leðurhommastaður! Mjööööög hressandi að vera þar inni en biðin var stutt þannig að okkur varð ekki meint af. Ekki mikið í það minnsta.

Teknóstaðurinn var risastór skemma sem búið var að innrétta á mjög töff hátt og þegar við vorum búnir að fá nægju okkar þarna inni þá hófst leitin að útganginum! Það var ekkert grín að finna hann og á tímabili héldum við að við myndum jafnvel daga uppi þarna inni, því að allar bardömur sem við spurðum vildu bara selja okkur drykki!

En svo áttuðum við okkur á því að það voru riiisastórar gardínur fyrir bæði klósetthurðum sem og útgönguhurðum þannig að við sluppum heim á endanum.

Sunnudagurinn fór svo bara í að ferðast heim og ég lenti á sæti í vélinni sem ekki var hægt að halla og ófrísk kona við gluggann sem var endalaust á klósettinu. Æðislegt í fjóra klukkutíma!

En all in all frekar skemmtileg ferð og gaman að kynnast samstarfsfélögum sínum á öðrum verkstöðum!

Long tæm no bloggensí

Öss, maður drekkir sér í vinnu og þá er að sjálfsögu lítill tími aflögu til að blogga og hvað gerist? manni er hótað að fólk hætti að koma, fólk sendir manni háðsglósur í kommentunum og ég veit bara ekki hvað!! hahha, okok, ég er að semja ferðasöguna frá Búdapest og kem til með að skjóta inn nokkrum myndum í hana til að lífga uppá þetta allt saman... þetta verður komið inn í kvöld eða mööööögulega á morgun.. fer eftir því hversu ferskur ég verð í skrifunum

Lov jú all longtæm

Gaman gaman

Fór í útskrift hjá Rannveigu frænku..

..það var mjög gaman..

..þessi helgi var mjög skemmtileg..

...okbæ!

Raunveruleikasjónvarp dauðans

Ég var að horfa á sjónvarpið í gær afþví að þráðlausa netið var eitthvað að bögga mig heima og ég gat því ekki hangið á því að spjalla á msn eða skoða eitthvað fyndið á 5aurnum..
Datt inná einn þann viiiiiiðbjóðslegasta þátt sem ég hef séð á ævinni.
Þessi þáttur er sýndur á Sirkús og framleiddur af MTV. Þessi óbjóður gengur undir því saklausa nafni “My Sweet Super 16” og er þar verið að fylgjast með ungum stúlkum breytast í fullorðnar konur, þ.e.a.s. það er fylgst með þeim í viku fyrir afmælisdaginn og svo auðvitað dagurinn sjálfur documenteraður.

Þetta er alls ekki vitlausara en hvað annað raunveruleikasjónvarp þannig séð.

Nema hvað, það er að sjálfsögðu ekkert verið að fylgjast með neinum speeekuðum lágstéttar könum, ónei, þetta eru dætur milljarðamæringa.
Ég datt inn í miðjan þátt í gær þannig að ég var ekki að átta mig á þessu í fyrstu en þegar leið á þetta og ég fattaði að mæðgurnar voru staddar í París til að reyna að finna rétta kjólinn fyrir veisluna þá runnu á mig 2 grímur.
Sá kjóll sem þótti hvað heitastur hefði sómt sér vel á hvaða mellu sem er því að hann var fleginn niður á nafla, já niður á nafla, ég veit að þetta er orðatiltæki en þessi var virkilega fleginn niður á nafla! Einnig var hann með opnu baki alveg niður að rassaskoru, enn og aftur ekki orðatiltæki heldur blákaldur raunveruleikinn! Gripurinn átti að kosta litla 10 þúsund dollara og það eina sem var að stoppa kaupin var að mömmunni þótti hann full mellulegur fyrir 16 ára stelpu.

Alveg sammála mömmunni!

Þannig að þær fundu ekkert í París og létu bara sérsauma á stúlkuna í BNA. Svona gekk þetta allan þáttinn, það átti t.d. að gefa henni bíl fyrir afmælisdaginn en hún stalst út til Santa Barbara með vinkonu sinni í leyfisleysi þannig að þegar fjölskyldan fór út að borða kvöldið fyrir afmælið þá var henni tilkynnt að hún fengi ekki bílinn.
Ég hef aldrei séð jafn bitur tár og jafn hatursfullar yfirlýsingar í garð foreldra sinna. Skil það svosem vel þar sem barnið átti jú von á því að fá 2006 módel af Range Rover! Klikkun!

Hún fékk að sjálfsögðu bílinn á endanum af því að hún grét nógu andskoti mikið og hótaði að tala aldrei við þau aftur ef þau myndu dirfast að skemma svona fyrir sér afmælisdaginn!

Mér varð nánst jafn líkamlega íllt við að horfa á þetta og þegar ég frétti að AH hefði verið gerð að framkvæmdastjóra! Og trúið mér, það er alveg hellingur!

Lifi MTV! ...og dekurdrósir!

Biggi, Mahónínaglaspýta hvað?!?! hahaha

alveg að fara að blogga

Er með svakalega flott blogg í huga en hef ekki tíma til að skrifa það allt akkúrat núna.. þetta er bara svona reminder til sjálfs míns..

Ómar Smith og hans bílasaga..

..Celica->Corolla->Yaris-------> hvað svo?

Er Toyota nokkuð að framleiða minni bíla en Yaris? :S

Könnun neðst á síðunni..

..bara að benda á það..

tók mig til

og hreinlega rakaði mig enn eina ferðina, þrátt fyrir að Fjólan mín segir að það sé ógisslegt! Og að ég eigi að hættussuu! hehe

Sei la ví!

...enda tók ég ekki allt sko...

Hvað fær fólk..

..til að koma fram í þætti eins og Jerry Springer? Ok þetta er svosem allt fólk með IQ á við ljósastaura en maður sér ekki alveg hvað býr að baki svona ákvörðun..

"Well, me thoughts dat dis woud be a grand oppurtunity to tell my girlfriend dat I was seeing anotha girl an dat me an hur was really spesial, you no, my knew girl beeing an ex-man an all dat you no.. trouble? hell no, dont se anyfinn to make a fuzz ´bout!"

HAHA, og svo logar allt í slagsmálum og svivirðingum okkur til skemmtunar! Snilld!

Italien ein Peninzula ist

Eða penesilín öllu heldur.. vona bara að það rífi þetta djös kjaftæði endanlega úr manni, var veikur fyrir rúmri viku síðan með nákvæmlega það sama og núna nema þetta er kannski aðeins meira extreme núna, enda hálsinn á mér með 2 risastór kýli sitt hvoru megin við barkann og bullandi hiti, eyrnabólga og fáráááánleg hálsbólga sem fylgir þessum blessuðu bólgnu kirtlum! Eftir að sýklalyfin fóru að kikka inn þá hjaðnaði þetta nú aðeins og ég fór að geta kyngt án þess að tárast.. allt til batnaðar.. paratabsið er líka að þræl slá á hitann.. Erna, á ég að láta rífa þetta heeelvíti úr mér? Skynja vel sársaukann sem þú upplifðir þegar þú fórst í gegnum kirtlatökuna!

Annars held ég að þessi greinabirting í Fréttablaðinu hafi komið aðeins of seint, ég meina, Clintarinn er friggin farinn af landiu brott! Demit!! Ekki fær hann blaðið sent út, efast um það sko.. þannig að frægðin og framinn verður bara að bíða betri tíma.

Blænd deit? Hefur einvher hér prufað það? Þá meina ég án þess að vita nokkur deili á viðkomandi nema kannski að hún/hann sé kunningi vinar manns? Ég er ekki alveg viss hvort að ég myndi leggja í það, ef þetta sökkar alveg, væri maður þá að gera báðum greiða með því að slútta því snemma eða á maður að vera kurteis og leyfa hinum aðilanum að segja til um hvenær þessu lýkur? Hvað ef það misskilst og .. úff það er svo margt í þessu.. ég veit ekki, bara hreint veit ekki..

Allir að skoða Fréttablaðið!

Strákurinn er bara á forsíðunni og í miðopnu blaðsins!!

...og bíllinn minn líka hehe..

Alveg merkilegur listamaður

Hann Jón BónJóví er sko einn sá allra merkilegasti sem ég hef heyrt í í langan tíma..

Ég hélt reyndar að hann væri að gefa út svona "Bestof" disk þegar ég heyrði auglýsinguna fyrst, svo heyrði ég hana oftar og oftar og þá fattaði ég að þetta var sama lag og hann gerði frægt hér á síðustu öld, "It´s mæ læf!" nema kallinn er líklega búinn með öll stefgjöldin sem hann fékk fyrir það, nennti greinilega ekki að byrja frá grunni þannig að hann lét nægja að breyta textanum aðeins!

HAHAHA, ekki erfitt líf að vera listamaðurinn Jón BónJóví, það er nokkuð ljóst! Hann var ss að gefa út disk í samstarfi við Sorpu og Endurvinnsluna.. kannski ekki við öðru að búast frá svona "lista"-manni..

..furðuleg nótt..

Ég var að horfa á lost í gærkvöldi, bara í góðum gír og gúddí fíling og fer svo að fara að koma mér í háttinn nema hvað að ég var greinilega orðinn svo þreyttur að ég var eiginlega yfir mig þreyttur! Sofnaði alrei almennilega, var eiginlega bara að dorma á milli svefns og vöku, hrökkvandi upp í tíma og ótíma og kominn með hálsbólgu og hlustaverk í öll eyrun þar að auki!

Svo voru draumarnir eitthvað svo mikið leynimakk og bull að ég var alveg orðinn paranoid á þessu öllu í lokin! hahaha!! Og svo langaði mig bara til að birta mynd af sætri stelpu ;)

úff, snemma að sofa í kvöld, það er nokkuð ljóst.. er svona frekar þreyttur í augnablikinu :(

...shit hvað stelpan sem fer ekki útúr stúdiói að fokka í fólki heldur hin í Zuber er mikil gufa.. hahaha

Fyndin helgi

Fór í partíið til Svenna á föstudaginn og ætlaði síðan á laugardeginum að henda mér til Möggu og Friðlínar.. ákvað samt af rælni að tékka hvenær það væri mæting og þá kemur það uppúr kafinu að þær voru ekkert búnar að plana þetta heldur buðu bara 10þ manns í þetta partí á fylleríinu í kringum árshátiðina hahahaha!!!

Þannig að ég bauð bara í pottapartí um nóttina og svaka stuð í kringum það þó svo að ég viti ekki alveg hversu hress Andri meðleigjandi minn hefur verið með þetta uppistand allt.. held samt að það hafi ekki verið nein læti í okkur en samt, vorum útá svölunum í pottinum þannig að nágranninn fyrir ofan hefur ekki verið sáttur, get ég ímyndað mér, þar sem svefnherbergið hans er beint fyrir ofan pottinn okkar..